STORHELG I HALLINGDAL

Folkemusikkfestival, kurs, fest og konsert 18.-20. oktober 2024

STORHELG I HALLINGDAL

Storhelg i Hallingdal 18 – 20 oktober 2024. Vi inviterar til Storhelg i Hallingdal av godt gamalt merke.

Fredag startar vi på Misjonsheimen på Torpo med konsert med «Treak». Ingeborg Onstad, Ingrid Lingaas Fossum og Marit Karlberg. Laurdag kveld etter middag reiser vi med buss og nokre bilar til Ål Kulturhus for å oppleva «Livmødre» og så retur til Torpo for dansefest!

Sundag blir det avslutning med Meister og elev på Kulturhuset som vanleg. Der får alle deltakarar og lærarar syne fram kva dei har arbeidd med på kursa.

Om nokon ikkje vil bu på gymsal/klasserom, finst det rimeleg overnatting 3 km unna. Ta kontakt om det er aktuelt.

Vi er stolte over alle dei fantastiske lærarane som stiller opp og gjer ein strålande jobb. Velkommen til Hallingdal!

SJÅ BILDER

PROGRAM

Storhelg i Hallingdal startar med konsert på Misjonsheimen på Torpo fredag kveld kl. 20.00. Innkvartering på Torpo skule for alle deltakarar som vil bu der. Laurdag formiddag startar kursa, og om kvelden er det forestilling på Ål Kulturhus og dansefest på Hugnadheim på Torpo. Etter meir øving på sundag, blir heile festivalen avslutta med forestillinga «Meister og elev» på Ål Kulturhus.

SJÅ PROGRAM

KURS

Det er kurs i hardingfele, fele, langeleik, torader, munnharpe, lur/seljefløyte, song, halling og pardans. Vi er stolte av at vi kvart år får av dei beste instruktørane i landet. Bileta syner etterkvart instruktørane i 2024.

I 2023 var det 78 deltakarar frå store delar av Norge på kursa.

MELD DEG PÅ

SAMARBEIDSPARTNARAR

Hallingdal Jr. Spelemannslag – Ål Kulturhus – Hugnad UL – Torpo Skule – Buskerud folkemusikklag – Viken Fylkeskommune – Ål Kommune – Frifond kompetanse -Folkemusikkveka – Gol Kommune – Hemsedal Kommune – Senter for folkemusikk og folkedans – Ålhytta AS – Asko Oppland AS – Leveld Lefsebakeri

Fotograf 2018: Knut Utler 2022: Vegard Breie