Hallingdal Juniorspelemannslag vart stifta i 2006 for å hjelpe kulturskuleelevar og andre unge hardingfelespelarar over kneika, slik at dei ikkje slutta med fela. Vi såg at eit supplement til Kulturskula var heilt nødvendig. Etter kvart har vi også innlemma langeleik i laget, og dei siste åra har vi også hatt opplegg for torader og  kveding. Medlemmene i laget kjem frå fleire kommunar i Hallingdal.

Laget har for tida opplegg for hardingfele, langeleik og kveding, men det største arrangementet vårt er Storhelg i Hallingdal. Storhelg samlar ungdom frå heile Norge og deler av Sverige.